A Ribeira Sacra

A idea de irmos á Ribeira Sacra foi todo un éxito, pola la idea e por como o fixemos. Contratamos un viñobus, que é unha furgoneta con guía. Desta vez foi a Lourdes quen nos fixo unha rota personalizada, con mosteiros e adegas, e foi tamén a nosa condutora. Os mosteiros que visitamos foron o de Santo Estevo e o de Santa Cristina de Ribas do Sil, beneditinos os dous e do século X.

Os castiñeiros abeiran Santa Cristina de Ribas do Sil 

Claustro de Santo Estevo de Ribas

         





Despois fomos visitar unha adega, Adega Vella, que é unha adega nova, en contraste co seu nome, mais cuns viños moi saborosos.

A anécdota e a casualidade foi toparnos co Eugenio Feijoo, que estaba a preparar a presentación do seu libro Un ruiseñor en la abadía que, curiosamente, o Sixto xa o sabía (pero non nos sorprendeu a ninguén).

          Ao acabar de xantar en Casa Cachin, fomos dar un paseo polo Sil no catamarán, coa explicación correspondente por parte dun dos barqueiros.
          O día estaba ben quente, de máis, e a algún de nós non se lle recoñecía por se querer tapar do sol. Ainda así a paisaxe, entre a auga e os viñedos en socalcos todo ao longo das ladeiras, pagou a pena.

        Para terminar o paseo, fomos á Adega Algueira, unha outra diferente da anterior, con máis anos de experiencia, máis tecnoloxía, con máis extensión de vides, con máis recoñecemento exterior...
En fin, ás 21 h a Lourdes deixábanos de novo no Parque de S. Lázaro, onde empezara esta aventura (ás 10 da mañá).